BUTUAN CITY – Gikumpirma sa mga otoridad nga nagpalupad pa og drone ang gunman nga misulay pag-assassinate kang Donald Trump ibabaw sa rally site adiser nahitabo ang pagpamusil.
Apan hangtud karon, dili pa nila makumpirma kung gihimo kini Thomas Matthew Crooks pila ka oras o kaha adlaw adiser ang maong rally sa Pennsylvania niadtong Hulyo 14, oras sa Pilipinas.
Sigon ni Trump kinsa mao na ang opisyal nga Republican presidential nominee, naluwas siya sa swerte o kaha sa Ginoo dihang igo lang mipingis sa iyang tuong dalunggan ang bala atol sa iyang campaign speech.
Ang maong hitabo mikalas sa kinabuhi sa usa sa iyang mga supporters ug seryusong mi-angol sa laing duha samtang ang 20-anyos nga si Crooks, gipusil-patay sa iyang nahimutangan sa mga Security Service agents, kinsa sa kaulahi-an, gibatikos ra usab tungod sa pagkumpyansa sa pagprotiher sa kanhi presidente.
Ang maong isyu maoy hinungdan nga gi-isyuhan si Security Service chief Kimberly Cheatle og summon aron mutestigo sa usa ka komite sa US House of Representatives karong Martes, Hulyo 23-oras sa Pilipinas.
