BUTUAN CITY – Mi-abot sa 6 gikan sa 10 ka mga pamilyang Pilipino ang mi-classify sa ilang pamilya nga kabus base sa Social Weather Stations kon SWS survey niadtong Hunyo ning tuiga.
Kini 58% nga mas taas og 12-puntos gikan sa natalang 46% niadtung Marso ning tuiga ug mas taas usab sukad niadtung Hunyo 2008.
Gibana-bana usab nga mukabat sa 16 milyones ka mga indibidwal ang mi-classify usab ang ilang kaugalingon isip kabus, samtang 12.9 milyones usab ang natala niadtung Marso.
Ang pinakataas nga ihap sa self-rated poverty natala sa Mindanao nga anaa sa 71%, kgisundan sa Visayas sa 67%, Luzon-52% ug Metro Manila- 39%.
Ang maong survey gihimo gikan niadtung Hunyo 23 hangtod Hulyo 1 pinaagi sa face to face interview sa 1,500 ka hamtong nga mga Filipino.
