BUTUAN CITY – Gihatagan og gimbug-aton ni Forester Roel Efren, ang CENRO sa Tubod, Surigao Del Norte ang kamahinungdanon sa pagtanom ug kahoy dungan sa selebrasyon sa Arbor Day kagahapong adlawa.
Sumala pa ni Forester Efren nga ang kahoy maoy naghatag natug oxygen nga gigamit sa atong pag-ginhawa ug kini usab ang mosalo sa carbon dioxide gikan sa tawo.
Importante nga makaon sa kahoy ang mga carbon dioxide aron dili kini mopadulong sa kawanangan og maoy motabon sa kalibutan. Sa paghabok unya sa atmosphere, ang init sa adlaw nga untaw mo-bounce back, dili na hinoon kagawas tungod sa mihabol nga carbon dioxide.
Moresulta kini sa global warming nga maoy hinungdan sa pagkatunaw sa ice sa northpole, pagsaka sa kadagatan, og hilabihan nga ka-init.
Alayon niini, gibutyag ni Forester Efren nga nakalatid sa Presidential Proclamation No. 643 og Republic Act No. 10176 ang gi-obserba nga Arbor Day diin gimanduan niini ang tanan nga magtanom ug kahoy.
Base sa balaod, ang at least 12-anyos nga tawo kinahanglan nga magtanom og atleast usa ka kahoy matag tuig. Nasayran nga gikalipay sa opisyal ang malampuson nga tree planting activity kagahapong adlawa diin gidugok kini sa mga partisipante og nagkulang pa ang dala nilang seedling.
Sigon ni Forester Efren nga aron ma-atiman ang gitanom nga kahoy, nag-employ ang probinsiyal nga kagahamhanan og tourist guide nga maoy moatiman usab niini samtang dunay mga activity usab silang himoon aron mapulian og tanom ang namatay nga seedling pinaagi usab sa tree planting.
