BUTUAN CITY – Gi-andam na sa Philippine Drug Enforcement Agency kon PDEA Caraga ang mga gikinahanglan alang sa himoong pagsunog sa mga nakumpiska nga illegal nga drugas sa Caraga Region ingon man sa mga non-drug items nga nakuha sa mga gipahigayon nga raid sa rehiyon karong Biernes Hunyo 14.
Sa exclusive interview sa Bombo Radyo Butuan, gibutyag ni Dindo Abellanosa, tigpamaba sa nahisgutang ahensya, gikan ang maong mga illegal nga drugas sa nagkalain-laing korte sa Caraga Region ug duna pa’y uban nga dili pa nila masunog tungod kay kamulo pa man sa pagligid ang kaso, rason nga dili pa sila mahatagan og permit sa Korte.
Gibutyag sa opisyal nga padayon pa ang inventory sa ilang laboratory section aron masiguro nga ang mga sunugon, mao gayud kadtong nakuha sa mga anti-illegal drug operations.
