BUTUAN CITY – Giberipika pa sa Office of Civil Defense kon OCD ang gikatahong lima ka mga tawo ang patay samtang laing pito ang angol sa pagkuso-kuso sa bagyong Aghon sa nasud.
Sigon ni OCD spokesperson Director Edgar Posadas, upat niini naggikan sa CALABARZON kon Calamba, Laguna, Batangas, Rizal ug Quezon samtang usa usab ang gikan sa Northern Mindanao.
Posibleng namatay ang mga biktima sa pagkalumos o kaha nadat-ugan sa natumbang punuan sa kaholy o kaha debris.
Sigon usab sa Philippine National Police, 3 sa mga namatay naggikan sa Quezon province, ang usa sa mga probinsiyang grabeng gikuso-kuso sa bagyo.
Sumala sa situational report sa National Disaster Risk Reduction Management Council, mu-abot sa 8,465 sa maong ihap ang gikan sa 158 ka mga barangay sa Luzon ug Visayas kondiin ang Bicol Region, nakatala og pinakadaghang apektadong indibidwal nga ningkabat sa 10,349.
Gibana-bana usab nga mokabat sa 5,343 ka mga indibidwal ang nawad-an sa ilaang pinuy-anan, samtang 2,162 ang anaa pa sa mga evacuation center ug 3,181 usab ang nakipuyo sa ilang kaparentihan.
Nakapang-apod-apod na ang panggamhanan og kapin sa Php1.2-million nga balor sa food packs alang sa mga pamilyang apektado sa maong mga kalamidad.
