BUTUAN CITY – Gikumpirma ni Anthony Antigulas, presidente sa Transport Federation-Caraga nga 99-porsiento na sa mga pampublikong sakyanan sa rehiyon ang naka-apil na sa kooperatiba subay sa pagpatuman sa Public Utility Vehicle kon PUV Modernization Program.
Nasayrang sugod karong adlawa, gibawalan na sa pagpamasada ang mga sakyanang wala naka-consolidate sa ilang prangkisa base na usab sa modernization program.
Sigon ni Antigulas, pila ka hugna nang gilugwayan ang consolidation nga gitapos kagahapong adlawa ni Pangulong Ferdinand Marcos Jr. Tungod niini, inanay nga wala-on og pulihan sa modern units depende sa i-release sa bangko ang mga karaang yunit.
Nagkinahanglan matud pa og route certification ang pag-apply og modern units sa bangko kansa ma-isyu lang kung dunay ordinansa.
Aminado usab si Antigulas nga tabla-tabla lang nga makabayad sa bangko ang modern units ugaling duna pay traditional nga multicab dungan sa pagbutyag nga ang katuyuan sa modernization program, alang lamang sa kaluwasan sa mga sumasakay.
