BUTUAN CITY – Napasakaan og mga kasong resistance and disobedience ug alarm and scandal kon paglapas sa Article 151 ug 155 sa Revised Penal Code ang local vlogger nga mikatkat sa Magsaysay Bridge kagahapon hinungdan sa dakong kahasol nga dala niini ngadto sa tanang wala maka-agi sa maong tulay.
Sa eksklusibong pakighinabi sa Bombo Radyo Butuan, gibutyag ni PCaptain Anne Cubio nga ang maong mga mga kaso base na usab sa rekomendasyon sa City Fiscal’s Office human ang subsob nga pagtuon sa gihimo ni John Mark Nacua, 24-anyos, residente sa Brgy. Taligaman ning siyudad sa Butuan.
Migawas sa imbestigasyon matud pa sa Butuan City Police Station 1 nga nahimo kadto ni Nacua tungod sa problema nila sa iyang ka-ipon nga si Madilyn Digdigan kondiin sa pagkakaron, maayo na ang ilang estado.
Ang maong mga kaso tungod na usab sa kahasol nga nahatag ni Nacua ngadto sa mga motoristang natanggong kondiin daghan kanila ang mga negosyante ug na-ataw ataw ang ilang serbisyo alang unta sa mga baligya ug deliveries nila sa mga Valentine’s items.
