BUTUAN CITY – Tingkagol na karun sa karsel ang usa ka band drummer, usa ka Dj o Disc Jockey og laing duha pa human nasikop atol sa anti-illegal drug operation sa Barangay Mahogany, Butuan City.
Naila ang nadakpan nga sila Christnnyleth Daniel Tibay, usa ka street-level individual og band drummer; kansa maoy target samtang ang tulo niini ka mga kauban nga naaktohang nag-pot session mao sila Alexander Briane Ordona Llave, Disc Jockey sa usa ka iladong radio station sa Butuan; Lynben Gamelo, usa ka photo editor ug si Melvel Dotollo.
Gihimo ang operasyon pinaagi sa implementasyon sa Search Warrant number 2024- 01-17-02t ungod sa paglapas sa R.A 9165 nga giisyu sa presiding Judge sa RTC 10th JUDICIAL REGION Branch 33 BUTUAN CITY.
Ang operasyon gipangunahan ni Police Major Aldrin Camo, leader sa City Drug Enforcement Unit sa Butuan City Police Office kauban ang Regional Intelligence Division, Regional Drug Enforcement Unit og Butuan City Police Station-1.
Nakuha sa otoridad ang 4 ka sachet nga dunay sulod sa gitoohang shabu nga mitimbang sa 5 gramos og mikantidad sa 34-mil pesos. Lakip sa nakuha ang nagkadaiyang illegal drug paraphernalias.
Gikustudiya na sa Butuan City Police Station 1 ang mga nadakpan alang sa tukmang disposasyon.
