BUTUAN CITY – Gipasidunggan sa Publishers Association of the Philippines, Inc. kon PAPI ang Bombo Radyo Philippines isip Outstanding Radio Station tungod sa dili matupngan niini nga commitment sa paghatud sa patas, balase ug objective nga news reporting.
Gitunol ang maong award ngadto sa Bombo Radyo Philippines atol sa 27th National Press Congress nga gipahigayon sa Fort Ilocandia Resort Hotel sa Laoag City kagabii, Disyembre 11.
Gidayeg sa Publishers Association of the Philippines, Inc. kon PAPI ang patas, balanse, objective ingon man and extensive news reporting ug mga komentaryo hinungdan nga nakuha niini ang pagdayeg, respeto ug loyal subscription sa katawhan sa tibuok nasud ug sa ubang kanasuran.
Gidawat ang maong award sa station manager sa Bombo Radyo Laoag pinaagi ni Bombo Randy Yute kinsa nagpasalamat sa PAPI sa gihatag nga prestihiyusong award kansa mas nakapalig-on pa sa standing sa Bombo Radyo isip Number 1 and Most Trusted Radio Network in the Country.
Nag-operate ang network sa 24 ka mga key areas sa nasud uban sa fully digitalized nga presensya niini sa 31 ka mga AM ug FM stations, rason nga ang Bombo Radyo mao ang lider sa broadcasting industry sulod na sa lima ka dekada.
Ang dili matupngan nga track record sa sa Bombo Radyo Philippines maoy testimoniya sa papel niini isip usa ka catalyst sa kabag-uhan, ug dili matupngan nga tinguha alang sa kamatu-urtan nga maghatag og wala’y ktapusang serbisyo ngadto sa katawhang Filipino.
Ang Outstanding Radio Station Award usa ka ha-um sa panahon nga pag-ila sa exceptional contribution sa Bombo Radyo ngadto sa media landscape ingon man sa dedikasyon ug paningkamot sa grupo alang sa paghatud sa mga de-kalidad nga balita ug content.
Kini nga award nag-reinforce sa padayong commitment sa Bombo Radyo ngadto sa journalistic excellence ug sa impact niini sa media industry sa Pilipinas.
Bisan pa man sa lahi nga nature sa focus diha sa publications ug printa sa Publishers Association of the Philippines, Inc. kon PAPI ingonman sa specialization sa Bombo Radyo Philippines sa radio broadcasting,ang pag-ila nagtimaan lang sa sobra nga pag-ila ug dedikasyon sa network ngadto sa good journalism ug sa professional broadcasting.
Nagsalamin kini sa symbiotic relationship tali sa managlahing media platforms working alang sa komon nga tinguha sa pagserbisyo sa publiko uban sa kasaligan nga impormasyon.
Ang PAPI Inc., gi-ila isip pinakadako nga media fraternity sa nasud nga naglangkob sa mga publishers sa gibana-banang 500 ka mga community newspapers sa mga rehiyon ug probinsya uban sa pipila ka mga national publications isip mga regular members.
