BUTUAN CITY – Gikumpirma ni Dr. Hazel Claire Ang, sa HIV and AIDS Core Team kon HACT physician sa Butuan Medical Center nga ikasiyam ang rehiyon sa tibuok Pilipinas nga duna’y taas nga kaso sa Human Immunodeficiency Virus-Acquired Immunodeficiency Syndrome kon HIV/AIDS karong tuiga.
Sa 57% nga natalang HIV cases ning rehiyon as of Nobyembre ning tuiga, 356 niini ang mga lalaki samtang 26 ang mga babaye.
Sigon ni Dr. Ang, ang edad nga apektado sa mga kaso sa HIV-AIDS anaa sa 20 hangtud 34-anyos.
Base kini sa ilang latest statistics kondiin nag-una sa tibuok nasud ang National Capital Region kon NCR nga nakatala og 23-porsientong pagsaka sa kaso karong tuiga samtang 3-porsiento ang gisaka usab dinhi sa Caraga Region kumpara ning mi-aging tuig.
Sa taho ni Dr. Ang, ang dakbayan sa Butuan maoy duna’y pinakadaghan kondiin 57.7-porsiento sa kinatibuk-ang kaso, ania ning siyiudad.
