BUTUAN CITY – Tungod sa tensyunado pa gihapong sitwasyon sa Israel ug Gaza Strip sa Palestine, daw gi-lockdown matud pa karon ang kinatibuk-ang Israel tungod sa kagamay nalang sa mga sakyanang mubiyahe sa mga kalsada ug sa mga tawong manggawas.
Sa eksklusibong pakighinabi sa Bombo Radyo Butuan, gikumpirma ni Bombo international news correspondent Arriane Espiritu gikan sa Central District sa Israel, nga kini bisan og naka-relax na sila kagahapon human nga wala sila’y nadawat nga red alert kansa senyales nga wala’y hulga sa pagbusikad.
Dugang pa ni Espiritu, bisan og 30 ngadto sa 45-kilometers ang gilay-on nila gikan sa Gaza Strip, apan madungog pa gihapon nila ang kakusog sa mga pagbusikad sa mga bomba sa duha ka panig.
Gihulagway pa niini ang lugar duol lang sa ilang dapit nga duna’y mga pagbusikad.
Bisan matud pa sa tensyunadong sitwasyon karon sa Israel, wala magpatuman og curfew hour ang ilang kagamhanan.
