BUTUAN CITY – Ninghanyo ug lawom nga imbistigasyon ang pamilya sa Pinoy Seafarer nga namatay niini samtang naa sa United Arab Emirates (UAE), naila ang maong lalaki nga si Albert Coleto, 39 anyos ug residente sa Tago, Surigao del Sur.
Kahibaloan nganamatay ang maong marino niadtung Octobre 9 human kini na collapse samtang on board sa Star Gwyneth bulk carrier. Sumala pa sa brother in law niini nga si Bon Salinas nga ning duol na sila sa Overseas Workers Welfare Administration (OWWA) aron mangayo ug tabang tungod sa maong panghitabo.
Dugang pa ni Salinas nga dako ang ilahang katingala nganong case closed na ang kamatayon ni Coleto nga wala man sila hatagi sa autopsy report, og igo lang sila gipahibalo nga namatay kini sa cardiac arrest. Nasayran nalang sa pamilya ni Coletos ang kamatayon niini niadtung Oktobre 9 ning tuig kasamtangan, samtang sumala usab sa mga kaubanan niini sa StarOcean Manning Inc. nga gipatrabaho matud pa ang maong lalaki sa iyahang employer ug bug-at nga trabho taliwala sa init nga panahon.
Sa kasamtangan, nag laum nalang ang pamilya Colitos nga masulbad sa daling panahon ang kamatayon ni Alberot pinaagi usab sa tabang sa OWWA.
