BUTUAN CITY – Nakuhaan og balor P7M nga shabu sa kapulisan sa Surigao City ang usa ka 22 anyos nga Food Panda delivery rider sa gihimong drug buy bust operation human nakumpiska ang 1,100 gramos nga shabu.
Naila ang maong dinakpan nga si Charliemagne Dialde Alatraca III, ulitawo ug residente sa Purok 1, Brgy. San Juan, Surigao City.
Nadakpan ang suspetsado sa may Purok 6, Sitio Banahaw, Brgy. Sabang bandang alas 6:15 niadtong Septembre 13 ug nakuha gikan kaniya ang 26-mil pisos nga boodle money, usa ka smartphone, usa ka Jollibee plastic bucket, usa ka Black Red 125 Honda Beat Scooter ingon man ang yabe niini.
Sumala pa ni PCol Laudemer Laude, ang Police Director sa Surigao Del Norte Police Provincial Office atul sa eksklusibong pakig hinabi ning sibyahan, newly identified pusher matud pa sa maong dakbayan ang dinakpan.
Dugang niini, padayon pa sa gihapon ang kampanya nila batok sa maong iligal nga druga.
