BUTUAN CITY – Himoon ang kickoff ceremony sa Brigada Eskwela sa may Agusan Pequeño Elementary School ning siyudad sa Butuan karung umaabot nga lunes, Agosto 14, 2023.
Sigon ni Pedro Tecson, tigpamaba sa Department of Education kon DepEd-Caraga nga sugdan kini sa motorkada palibot sa siyudad og pagbalik sa Agusan Pequeño Elementary School himoon ang hamubong programa nga sundan sa press conference.
Human niini, sugdan na ang pag-andam sa eskwelahan nga molungtad sa Agosto 21 adiser ang pag-abli sa tuig tingtungha 2023-2024 karung Agosto 28. Giklaro usab ni Tecson nga nawala na ang konsepto nga contest sa pa-anindotay sa eskwelahan atol sa Brigada Eskwela apan erekognisa gihapon ang mga tunghaan nga nakatuman sa tanang checklist alang niini.
Kini ang rason nga duna gihapoy himoong monitoring sa himoong brigada eskwela.
Gihatagan og gimbug-aton usab sa opisyal ang kamahinungdanon sa stakeholders sa pagpadagan sa eskwelahan lakip na sa Brigada Eskwela.
