BUTUAN CITY – Posibleng organisadong grupo ang miransak sa Gaisano Grand Mall sa San Francisco, Agusan del Sur agi sa gibangagang pader.
Kini ang inisyal nga gilantaw karon sa kapulisan sa maong lungsod subay sa nagpadayon nilang imbestigasyon aron ma-ilhan na ang mga responsable nga giltu-uhang migmit og mga modernonmg gamit sama apil na ang acetylene.
Sa eksklusibong pakighinabi sa Bombo Radyo Butuan, gibutyag ni PMajor Jennifer Ometer, tigpamaba sa Police Regional Office kon PRO-13, apil sa gilantaw sa kapulisan sa maong lungsod ang posibilidad nga ang mga responsable sa maong hitabo, mao ra usab ang milungkab sa Gaisano Mall dinhi sa dakbayan sa Butuan nidtong Marso ning tuiga.
Kini tungod kay susamang modus matud pa ang gihimo sa mga responsable nga nagbangag sa pader sa duha ka malls kondiin tungod mismo sa usa ka jewelry shop ang ilang gihimong bangag. Padayon pa karon ang pagkolekta sa mga pulis sa dugang pang mga CCTV footages sa maong hitabo tungod kay portion-by-portion man ang ilang nakuha sa kasamtangan kansa lisod pang matumbok ilabina nga naka-bonnet ang mga responsable.
