BUTUAN CITY – Taas nga passing rate sa March 2023 Licensure Examination for Teachers kon LET ang natala sa Caraga State University kon CSU-Butuan City main campus alang sa ilang elementary ug secondary education departments.
Sa eksklusibong pakighinabi sa Bombo Radyo Butuan, gipadayag ni Leo Codilla Jr., dean sa College of Education sa maong unibersidad, sa elementary education department, gikan sa 86 ka mga first-time takers, usa lang ang wala nakapasar rason nga anaa sa 98.84-porsiento ang ilang passing rate samtang sa secondry, gikan sa 150 ka mga first-time takers usab, 17 lang ang wala makapasar kansa bugti sa 88.67-porsientong passing rate.
Dako ang pagpasalamat ni Dean Codilla tungod kay wala ma-apektuhi sa COVID-19 pandemic ang ilang target nga maka-produce gihapon og mga top notchers sa tanang klase sa eksaminasyon.
Nasayran pa nga ang passers mao ang unang batch sa mga graduates sa K to 12 program sa Department of Education kon DepEd. Tungod sa COVID-19, nag-embed sila og duha ka subjects sa ilang curriculum alang sa mga fourth year students nga mao ang LET Review 1 and 2.
Kini na ang ikaduhang higayon nga nakasulod sa mga top 10 ang ilang mga estudyante gikan niadtong tuig 2019 adiser ang COVID-19 pandemic kondiin wala sila’y estudyante tungod sa K-12 program.
Dugang pa ni Codilla, ang tulo migradwar nga summa cum laude samtang magna cum laude usab ang usa. Tambag niini sa tanang gustong magtungha sa CSU, kinahanglang ilang i-master ang ilang mga competencies aron makapasar sila sa entrance examination.
Dako usab ang pagpasalamat ni Dr. Rolyn Daguil, presidente sa Caraga State University kon CSU-Butuan ngadto sa College of Education tungod sa paningkmot ug mga sakripisyong gihimo hinungdan nga nasulod sa top 10 ang tula nila ka mga graduates.
Gibutyag ni Daguil, mihimo og kaugalingong istratihiya ang maong departamento aron masiguro ang taas nga passing rate sa maong eksaminasyon.
Gisaysay sa opisyal nga gikan sa kursong agricultural education niadtong naila pa ang tunghaan nga Northern Mindanao State Institute of Science and Technology kon NORMISIST, nag-evolve na kini ngadto sa managlahing majors tungod sa pag-boom sa maong kurso.
