BUTUAN CITY – Balik na sa normal ang mga flights sa Bancasi Airport karong adlawa human kini nasuspende kagahapon tungod sa mga technical issues sa Philippine Air Traffic Management Center kon ATMC.
Sa eksklusibong pakighinabi sa Bombo Radyo Butuan, gipadayag ni Evangeline Daba, ang manager sa Civil Aviation Authority of the Philippines kon CAAP-Butuan, nga nakig-alayon sila sa mga airline companies aron ma-atiman ang gibana-banang 3-mil nila ka mga pasaherong wala makasakay sa ilang flghts kagahapon sama sa pagtugot kanilang makatulog sa ilang waiting area.
Samtang kadto usab ng amga gustong mu-uli, gihatud pinaagi sa gi-provide usab sa nga sakyanan sa mga airline companies.
Sa pagkakaron, gi-aksyunan na usab sa mga hingtungdang airline companies ang ilang mga yunit aron mahatud ang nahabiling mga pasahero ngadto sa ilang tagsa-tagsa ka destinasyon.
