-- ADVERTISEMENT --
BUTUAN CITY – Mi-abot sa 169 ka kabalayan ang gilamoy sa duha ka managlahing sunog sa Cebu kondiin ang usa, natigayon sa Mananga 1, Purok Florentino, Barangay Tabunok, Talisay City kondiin 51 ka mga balay ang na-ugdaw nga naka-apekto sa 57 ka mga pamilya.
Samtang kagabii laing sunog usab ang mipukaw sa mga residente sa Sitio Tugas, Barangay Mambaling, Cebu City kondiin 108 ka mga balay ang na-abot nga naka-apekto sa 100 ka mga pamilya kinsa daling gipangdala sa covered court alang sa ilang temporaryong kapuy-an.
Bugtong kape ug pan una ang ilang gipanghatag sa maong mga indibidwal samtang padayon pa ang asessment sa Department of Social Welfare and Development.
Gibana-banang mu-abot sa P1,991,250 ang damyos sa duha ka sunog.
