BUTUAN CITY – Gi-isa gilayon sa Philippine Atmospheric, Geophysical and Astronomical Services Administration (PAGASA) ang tropical cyclone wind signal number one sa mga lalawigan sa Isabela, Quirino, Nueva Vizcaya, Aurora, Nueva Ecija ug extreme northern portion sa Quezon (General Nakar, Infanta), apil na na ang Pollilo Islands human nga hingpit nang nahimong bagyong Maymay ang usa ka low pressure area dihang nakasulod na sa Philippine Area of Responsibility ning buntaga lang.
Katapusan kining nasigpatan sa gilay-ong 300 km sa sidlakan sa Casiguran, Aurora nga naglihok pa-amihanang kasadpan sa kusog nga 10-kilometros matag-oras.
Dala niini ang huros sa hangin nga mu-abot sa 45-kilometros matag-oras duol sa sentro ug buylo nga mu-abot sa 55-kilometros matag-oras.
Kung dili mausab ang lihok ug gipaspason sa daut nga panahon, gila-umang mutugpa na kini sa kayutaan ugma sa gabii.
