BUTUAN CITY – Emosyunal nga gipa-ambit ni Bombo International Correspondent Angelita Cordova sa New York, USA ang kalipay nilang mga Filipino dihang nahimamat nila si Pangulong Ferdinand Marcos Jr.
Sumala ni Cordova sa eksklusibong pakighinabi sa Bombo Radyo Butuan, liboang mga Filipino nga gikan pa sa nagkada-iyang dapit sa Amerika ang nakigkita sa pangulo.
Grabe ang ilang kalipay ilabina sa pagpasidungog ni Pangulong Marcos sa tanang mga Overseas Fiipino Workers sa Estadus Unidos particular ang health professionals nga dako ang natabang nila sa ekonomiya sa Pilipinas. Nasayrang halos 40 porsiento sa 52 bilyones pesos nga remittances sa mga OFWs nagsumikad sa Amerika.
Apan gikadismaya niini nga dunay grupo sa mga batan-on nga nagprotesta kang Pangulong Marcos Jr.
Sigon ni Cordova, duna matud pay adunahang Pinay sa Amerika nga maoy misuporta sa gihimong pagprotesta.
Mapasalamaton na lang sila kay wala makasulod ang mga niini sa venue tungod usab sa grabe kahugot nga seguridad.
Anaa sila karun sa consulado sa United Nation aron musoporta kang Pangulong Marcos Jr.
