BUTUAN CITY – Subling giduso sa ACT Teacher’s party-list ang sugyot balaodnon nga mag-amyenda sa Government Service Insurance System kon GSIS Law tungod sa dili matud pa maayong serbisoyng gitunol a GSIS ngadto sa mga magtutudlo rasong daghan ang nagreklamo niini.
Sa eksklusibong pakighinabi sa Bombo Radyo Butuan, gipadayag ni ACT Teachers Partylist Representative France Castro nga lakip sa gireklamo sa mga magtutudlo ang wala nakaltasan nga loan nga maoy hinungdan sa pag-anak na sa interest ug penalties niini apil na ang kulang nga remittances sa contribution sa mga magtutudlo.
Gibutyag niini nga nakalatid sa sugyot balaodnon nga RA 9287 ang paghatag sa mga magtutudlo og statement of account sa matag-bulan sama sa PAG-IBIG, ilabina ang mahitungod sa premium vacation policy.
Nakitang problema ni Rep. Castro sa GSIS ang pag-update sa wala pag-remit on time sa DepEd sa bayad sa loan premium.
Importante matud pa ang ammendment aron maresolba ang nasangpit nga problema.
