BUTUAN CITY – Gipagawas na sa Department of Social Welfare and Development kon DSWD-Caraga ang listahan sa mga lugar diin himuon ang pay-out sa Educational Assistance sa AICS karong adlawa.
Kini gilangkuban sa DSWD Covered Court alang sa Agusan Del Norte, Datu Lipus Makapandong Cultural Center sa Brgy. Patin-ay, Prosperidad, alang sa Agusan Del Sur; Cascag Gym sa Brgy. Washington alang sa Surigao City; Bislig City Cultural & Sports Center sa Montero St., Brgy. 1 Poblacion alang sa Bislig City sa Surigao Del Sur, Governor’s Extension Office a Brgy.12 sa lungsod sa Dapa alang sa Surigao Del Norte; Tandag City Social Hall sa Capitol Hills, Brgy. Telaje sa Tandag City alang sa Surigao Del Sur ug Operation Center sa may Brgy. Sta. Cruz sa lungsod sa San Jose alang sa Dinagat Islands province.
Gipasabot usab sa DSWD nga wala sila’y dawatong mga walk-in applicants tungod kay kadto lamang adunay text message alang sa appointment ang ilang i-accommodate karong adlawa.
Gipahibalo usab nila nga gi-imbestigahan na karon sa kapulisan ang nigawas nga mga impormasyon nga adunay mga tawo nga nagpa-ila nga sila mga personahe sa DSWD kinsa milibot ug nagpakaylap og peke nga mga impormasyon.
