BUTUAN CITY – Padayon pang gi-ila sa kapulisan ug sa kadumalahan sa Bachelor Express Inc. ang identity sa usa ka bayong-bayong nga Badjao nga naligsan-patay sa usa ka bus unit human wala mabantayong didto diay natulog sa ilalom nga bahin niini.
Sa ekslusibong pakighinabi sa Bombo Radyo Butuan ngadto sa dispatcher nga si Rico Udarbe, gipadayag niining nanniggit na lang ang mga nakakita sa maong hitabo ug adiser pa nasayran sa driver nga duna diay natulog sa ilalom sa iyang unit nga padulong unta sa Surigao City.
Sa ilang pakig-alayon sa Butuan City Police Station 3, ilubong na matud pa ang biktima kung wala’y mu-claim niini nga kabanay dungan sa pagklaro nga andam muhatag og hinabang ang ilang kompanya ngadto sa kabanay sa biktima ingon man mupahiluna sa iyang haya ug lubong.
