BUTUAN CITY – Misaad si Pangulong Rodrigo Duterte nga bisan og dili na siya ang pangulo sa nasud human sa iyang termino, ipadayon niya ang kampanya batuk sa ilegal nga druga.
Kini human niya nakita nga samtang anaa pa siya sa katungdanan, nag-anam na og balik ang operasyon sa ilegal nga druga ug kini makita sa sunod-sunod nga pagkakumpiska sa minilyon ka pesos nga kantidad sa ilegal nga druga. Gipadayag ni sa pangulo atol sa iyang pagtambong sa inagurasyon sa BRP Melchora Aquino kagahapon sa buntag.
Sigon sa pangulo, nakita pa nila sa listahan ni Senador Christopher Bong Go nga pito ka mga police generals sa kauluhang Manila ang nalambigit sa operasyon sa ginadiling druga.
Kini delikado ilabina nga duna’y mga barangay kapitan nga gikuptan ang maong mga heneral rason nga maprotektahan ang ilang mga constituents nga nagpadagan sa operasyon niini. Hangyo niya sa tanan nga dili tugutang gub-on sa ilegal nga druga ang nasud ilabina ang kaugmaon sa kabatan-unan.
Gibaharan niini ang tanang mga indibidwal nga mupugos pag-operate og ginadiling druga sa nasud nga iya kining pamatyon.
Bisan matud pa ang mga heneral ug ang mga huwis nga wala’y nadesisyunang drug cases sa ilang sala nga klarong mipabor sa mga drug lords bugti sa dakong suhol, apil sa iyang pangpu-uhon.
