Midagan pagka-konsehal sa San Franz, Agusan del Sur, midaug og usa lang ka boto sa nagsunod kaniya

BUTUAN CITY – Dili matukib ang pagpasalamat ni Vanjune Napao human nga nakatungtong siya isip ikawalo nga konsehal sa lungsod sa San Francisco, Agusan del Sur dihang milabaw lang siya og usa ka boto batuk sa nagsunod kaniyang si Lito Tandog.

Nasayrang human sa hagpatay sa mga balota, nakuha ni Napao ang 12,333 ka mga boto batuk sa nakuha usab nga 12,332 ka mga boto ni Tandog hinungdan nga giproklama siya sa Municipal Board of Canvassers isip ikawalo nga konsehal sa ilang lungsod.

Sa iyang Facebook post, nagpasalamat siya sa tanang misalig kaniya dayong saad nga himuon niya ang tanan niyang makaya, mahatag lang ang saktong serbisyo ngadto sa ilang mga constituents.