BUTUAN CITY – Gi-andam na ang kasong ipasaka batuk sa lalaking nakuhaan og kapin 400-mil pesos nga kantidad sa gitoohang shabu sa buybust operation kagahapon sa ala1:10 sa hapon sa may Purok 9 , Brgy 17, Fort Puyohon. Butuan City .
Naila ang suspetsado nga si Joshua Bardos nga gikonsederang high value target. Gihimo ang operasyon sa pagpanguna sa Philippine Drug Enforcement Agency kon PDEA-13, kapulisan sa Agusan Del Norte Police Provincial Office og Butuan City Police Station-2.
Nakumpiska sa posisyon sa suspetsado ang 6 ka sachet sa gitoohang shabu nga mitimbang sa 51 gramos og mikantidad sa 408-mil ka pesos. Lakip sa nakuha ang usa ka one thousand peso bill nga nagsilbing marked money samtang 7 ka tag-usa ka libo nga boodle money.
Lakip usab sa nakuha ang cellphone sa suspek. Sa karun gikustudiya na ang suspetsado sa PDEA-13 alang sa tukmang disposasyon samtang gihikay ang kasong may kalapas sa section 5 og section 11 sa RA 9165 batuk niini.
