BUTUAN CITY – Gipasidunggan ni POLICE BRIAGIER GENERAL ROMEO M CARAMAT JR, PRO13 Director ang ginsakupan sa Butuan City Police Station kon BCPO-1 tungod sa paspas nga pagresponde nga miresulta sa pagkasikop sa duha ka suspetsado sa kamatayon sa usa ka Saudi Arabian National karung adlawa pinaagi sa gilusad nga hot pursuit operation.
Naila ang mga suspek nga sila Edward Lauron Auman, 37-anyos, dunay live-in partner, og Emiliano Demit Bati-On, Jr, 23-anyos, dunay kapuyo nga parehong residente sa Brgy. San Vicente ning siyudad sa Butuan.
Nasikop ang mga niini human positibong natumbok sa saksi nga maoy mitulis ug mipatay sa biktima nga si Ahmed Yousef Aljamaa, 70-anyos usa ka Saudi Arabian National. Base sa imbestigasyon sa BCPS-1, nakadawat sila og tawag mahitungod sa papangawat nga natigayon sa Purok-14, Upper Mandacpan, Brgy. San Vicente, Butuan City sulod sa apartment sa biktima nga nakaplagan na lang nga wala nay kinabuhi og nagkadugo diha sa iyang higdanan.
Nakita usab sa miresponding kapulisan ang fiancée sa biktima nga si Nerylyn Albay Silao, 20-anyos kansa gigaid kauban ang iyang manghod nga minor-de-edad sa gawas sa lawak diin nahimutang ang patay’ng lawas sa biktima.
Gilimas sa mga suspetsado ang 4 ka units sa cellular phones, wala pa nadeterminang ihap sa US dollars, ug uban pang kagamitan sa biktima adiser misibat.
Sa gihimong hot-pursuit operation sa kapulisan, nasikop ang mga suspek diha dool ra usab sa nahitaboan sa kremin.
Nasayran nga ang biktima nakadawat na kining hulga sa kinabuhi gikan sa kanhe niining kapuyo nga dunay daotang mahitabo matud pa ugaling mamenyu ang biktima sa laing babaye.
Gimandu na ni POLICE BRIAGIER GENERAL ROMEO M CARAMAT JR ang komprehensibong imbestigasyon aron mailhan og madakpan ang uban pang suspetsado sa mangilngig nga kremin.
Sa kasamtangan gi-andam na sa BCPS-1 ang mga dokumento nga gikinahanglan sa pagpasaka og kasong robbery with homicide batuk sa duha ka mga suspetsado.
