BUTUAN CITY – Duha na ang natalang patay sa gamhanang linog nga mitay-og sa north-east Japan pasado alas-11:36 kagabii, nga miresulta sa pagkaputol sa linya sa kuryente ngadto sa 2-milyunes ka mga pinuy-anan ug naka-trigger sa tsunami advisory.
Ang magnitude 7.3 nga linog, mi-igo sa susamang rehiyon dihang ang kusog nga linog nga mi-trigger sa Fukushima nuclear disaster, 11 ka tuig na ang nakalabay.
Sa pipila ka mga lugar, tungod sa sobrang kakusog niini, nangtumba ang mga tawong nagbarog ug misayaw usab ang mga dakbalay sa Tokyo.
Gila-uman ang mga aftershocks sa Fukushima, Miyagi ug Yamagata prefectures.
Nagpagawas gilayon ang meteorological agency sa Japana og tsunami advisory alang sa mga balud nga posibleng duna’y gihabugong 3.3-ka tiil sa pipila ka parte sa north-east coast, kondiin duna na’y ubang lugar nga na-igo sa 20-sentimetrong balud.
Sigon sa mga local electricity providers, mukabat sa 700,000 ka mga panimalay sa Tokyo ug laing 156,000 sa north-east sa Japan ang naputlan gilayon oglinya sa kuryente human sa pagtay-og apan nabalikna karon.
Duna usa’y natalang mga na-angol human natagakan og mga butang ug natumba samtang usa ka 60-anyos nga lalaki sa Soma ang gikatahing namatay.
Samtang usa ka bullet train sa amihanang bahin sa Fukushima city ang nadiskarel sa linog, ug gisuta pa kung duna ba’y mga casualties sa maong insidente.
