BUTUAN CITY-Gikustudiya na karun sa Butuan City Police Station 2 ang muabot sa 14 ka mga indibidwal kansa mihimo og illegal gambling kagahapon sa hapon diha sa P3A-1 Brgy Holy Redeemer, ning syudad.
Sigon pa,ang maong aktibidad nahulog nga illegal human nga nasapon ang ubay-ubay ka mga indibidwal atoll mismo sa gilunsad nga operasyon sa kapulisan kondiin nalambigit na niini ang kwarta kon maoy gigamit og pusta apan kung usa lamang matud pa ang makita nga magduha og e-sabong makonsidera pang dili illegal sukwahi niini.
Naatlan usab sa kapulisan nga nag-inom pa ang mga niini sulod sa mismong lawak kung asa ang mga niini nagdula sa maong illegal nga e-sabong.
Ang mga naaresto naila nga sila Alex Flordeliza Bartolaba, 36 anyos, driver ug nagpuyo sa Purok 2, Brgy. Limaha; Jimbert Cutamora, 21 anyos, security guard ug residente sa Purok 3A, Brgy. Holy Redeemer;Alfie Cerna , 32 anyos ,security guard, ingun man residente sa Purok 9, Brgy. Obrero; Charlito Desamparado 50 anyos, usa ka pedicab driver ug residente sa Purok 7, Brgy. Holy Redeemer; lakip pa sa Jocel Insail, 41 anyos, menyu, usa ka Fish vendor ug nagpuyo sa Purok 7, Brgy. Holy Redeemer; Marlon Mendoza, 29 anyos, single, pedicab driver ug nagpuyo sa Purok 5, Brgy. Bading; sunod si Aartemio Timcang,29 anyos, kansa Pedicab driver, ug residente sa Purok 1, Brgy. Masao; lakip pa si Jomarie Pasilong, 24 anyos , tricycle driver, ug residente sa Purok 3, Brgy. Taguibo ingun man si Rodel Macaldo, 40 anyos ug residente Purok 13, Brgy. Limaha; Richard Pasos, 33 anyos, ug residente sa Langihan rd, Brgy. Limaha; Novaleno Jayrin Dan, 40 anyos, usa ka shoe repairman, ug nagpuyo sa Purok 6 Santis, Brgy. Obrero; Ariel Lad,28 anyos,menyu ug nagpuyo usab sa Langihan rd. Purok 12, Brgy. Limaha;. Galo Libres, 51 anyos, walay tarabaho ug residente sa Purok 9, Brgy. Holy Redeemer ug si Mario Aganap,62 anyos, menyu, walay trabaho ug nagpuyo Purok 1, Brgy. Fort Poyohon, ning syduad.
Lakip usab sa naabtan sa kapulisan mao ang usa ka guard nga nailang si Jembert Cutamora nga taga-Bohol ug nagtrabaho lang ning syudad kansa sigon niini, igo lamang matud pa siya mihapit sa maong area aron mulantaw sa mga nagtapok nga indibidwal.
Gani dili matud pa niya kaila ang maong mga suspek.Apan tungod kay lakip siya sa naabtan sa mga otoridad, naapil usab siya sa pagdakop sa mga niini bisan og wala matud pa siya miapil sa maong dula.Sa karun, wala pa masayud ang iyang pamilya sa iyang nadangatan.
Sigon usab sa caretaker sa gigamit nga Piso net sa maong area nga si Jan-Jan Barlisa nga semana na matud pa nga magsige og himo ang maong mga indibidwal sa ginadiling dula.
Sumala niini, cellphone lang matud pa ang gamit sa mga niini sa mgadula sa maong illegal nga e-sabong. Gani kaniadto gi-try na matud pa nilang e-block ang maong dula apan tungod kay online kini, dili matud pa pwedi.
Dugang pa, okasyunal lamang ang mga niini nga magkatagbo sa pagdula kon wala matud pa magsabot gyud tungod kay lahin-lahi ang mga niini og gigikanan.
Sa karun, lakip nga gikumpiska sa kapulisan mao ang kwartang gigamit sa sugal nga nagkantidad sa kinatibuk-an og 2,671.15 ingun man ang usa ka unit sa piso net isip ebidensya sa kasong ipasaka sa mga suspek nga mao ang paglapas sa Presidential Decree 1602.
Gi-andam na usab ang kasong ipasaka batok sa nasangpit nga mga indibidwal pinaagi sa inquest proceedings.
