BUTUAN CITY- Gipa-dismiss na sa serbisyo ni PBGen. Romeo Caramat Jr., regional director sa Police Regional Office kon PRO-13 ang upat ka miyembro sa Provincial Intelligence Unit sa Agusan del Sur Police Provincial Office nga nalambigit sa pagpanulis sa usa ka negosyanteng nailang si Jasper Salude Pabilic, residente sa Purok 6B, Poblacion Banay-banay, Davao Oriental didto sulod sa usa ka simbahan sa Purok 5, Cogonon, Salvacion, Trento, Agusan del Sur.
Na-ila ang mga suspetsadong sila PSMS Ronald Laro, PSSgts Dariel John Mozo ug Richard Ayala ug Patrolman Ival Klein Osorio kinsa boluntaryong misurender human gimando ni Gen. Caramat nga mihimo og hot pursuit operation alang sa dali nilang pagkasikop.
Sumala pa sa biktima, diha siya sulod sa simbahan aron makig-transak og negosyo ngadto sa usa ka pastor alang sa palitong agar woods kon lapnisan dihang kalit nga niabot ang upat ka armadong indibidwal og matud pa gipugos og kuha kwarta nga mokabat sa kapin kon kulang P2,700,000.00, ang lapnisan ug mga butang sa biktima.
Gibutyag ni Pol. Major Dorothy Tumulak sa eksklusibong pakighinabi ning sibayahan nga naila ang mga identity sa mga nakuhang CCTV footages.
