BUTUAN CITY- Padayon pang gihulat sa tanang mamaligyaay og pabuto ning rehiyon sa Caraga ang official guidelines gikan sa National IATF kung mahimo na ba nga makabaligya og pabuto alang ning holiday season.
Sa eksklusibong pakighinabi sa Bombo Radyo Butuan kang Sultan Gamal Amerol, usa matud pa sa mga rason nga dili tugutan ang pag-display o pagbaligya og pabuto sa Pasko tungod kay basin og madugangan ang ihap sa mga ma-aksidente ingun man mudaghan usab ang madala sa ospital nga ukupado pa sa mga COVID-10 patients, hinungdan nga igo na lang sila sa pagdawat sa maong desisyon.
Sa karun naka secure na si Amerol og police clearance ingun man Fire clearance ilabina nga usa kini sa pangita-on kung magbaligya og mga pabuto.
Gipadayag pa niini nga himoon gihapon nila kini taliwala nga wala pa gi-aprubahan sa lokal ng kagamhanan ning syudad ang pagdisplay og pabuto.
Una niini, ning miaging tuig, nag-request na matud pa sila kang Butuan City Mayor Roonie Vicente Kagnada nga kung mahimong tugutan ang mga muslims ug kristyano sa pagdisplay ug pagbaligya og mga pabuto alang sa Pasko apan wala gihapon kini gitugutan sa Mayor tungod sa covid-19.
