BUTUAN CITY- Anaa na sa kustodiya na karun sa Butuan City Police Statio 5 ang usa ka amahan nga taga- Sitio Lamusig Barangay Tungao ning syudad human nga gitigbas niini ang iyang anak.
Sa eksklusibong pakighinabi sa Bombo Radyo Butuan kang PMaj. Roland Orcullo sa Butuan City Police Statio 5, gibutyag niini nga base sa ilang imbestigasyon, nga adesir pa man ang panghitabo, daan na nga dunay kagubot sa ilang pamilya tungod kay human nga namatay ang inahan sa mga bata nagdesisyon matud pa ang amahan nga mga-menyu apan siguro dili gusto sa mga anak ilabina nga ang mga kabtangan sa ginikanan wala usab ma plastar hinungdan nga ang sagingan sa amahan maoy gi-unay og panguha sa biktima hangtod nga pag adto usab sa amahan aron mag harvest sa iyang saging, nakita na lang nga wala na kini makuha ug wala pa gyud matud pa gitarong og pamutol nga maoy hinungdan sa kasuko sa amahan.
Apan dihang pag uli sa amahan, gusto unta matud pa nga storyahon og tarong ang anak niini apan gilabay na hinoon kini og sundang nga mas maayo na lang kay ang pul-an sa sundang ang miigo sa tiya sa amahan ug tungod matud pa sa kasuko niini gilayong gitigbas niini ang anak nga naigo sa abaga nga bahin og sa kilid.
Sumala pa ni PMaj Orcullo nga nasuta usab nila nga imbes matud pa nga magpa ospital ang anak nga natigabasan, gisulong na hinoon niini ang uban niyang igsoon og gipang harrass usab.
Tungod niini,nakita sa kapulisan nga duna usab matud pa pinili ang amahan gawas sa iyang 7 ka mga anak tungod kay gawas sa unom ka ektarya nilang luna sa kayutaan, bugtong duha lang sa mga anak niini ang gitahasan nga maoy mag atiman.
Hinungdan nga walay laing gituohan nakita nga hinungdan matud pa sila kundi mao lamang ang away tungod sa mga kabtangan nga wala ma-plastar sa mga ginikanan diha sa ilang mga anak
