BUTUAN CITY – Gitudluan sa Butuan City Agriculture’s Office ang mga mag-uuma ning siyudad sa paghimo og natural organic pesticides gamit ang teknolohiya gikan sa Jadam Technology on Organic Agriculture.
Gikawilihan kini sa mga partisipante tungod kay gawas nga barato lang kini, mapalgan pa sa palibot ang mga materyales nga gamiton niini.
Tinguha sa City Agriculturist Office nga ma-adopt sa mga mag-uuma ang teknolohiya sa Jadam aron maka-develop og modelong panguma sa organic farming system.
Importante sa mga mag-uuma ang dugang kahibalo ilabina ang pagamit sa bag-ong teknolohiya kansa mao usa’y gigamit sa laing nasud aron dunay luwas sa panglawas nga agrikulturang produkto ug dako ang kita.
Ang pagpalapad sa kahibalo sa soil management ug pagbuhat sa organic pesticides sa mga mag-uuma, usa nga gihingusgan sa City Agriculturist Office aron pag-promote ug pagpadako sa organic farm products sa dakbayan sa Butuan.
