BUTUAN CITY – Posibleng sunod semana na pasakaan og tukmang kaso sa ginsakpan sa Butuan City Police Station 5 ang mga rebeldeng New People’s Army nga nanunog sa upat ka heavy equipments sa usa ka fruit p[lantation sa Brgy. Dulag ning siyudad sa Butuan.
Sa eksklusibong pakighinabi sa Bombo Radyo Butuan, gipadayag ni PMajor Emmerson Alipit, tigpamaba sa Butuan City Police Office (BCPO), apil sa nasunog ang tag-usa ka mini-bulldozer; converter back hoe to grader; elf canter ug bongo Kia color blue apil na ang bodega nga nagsilbing bunker sa mga trabahante sulod sa maong plantasyon.
Dugang ni Major Alipit, nagpadayon pa ang imbestigasyon sa BCPS5 aron matumbok ang grupong responsable sa maong hitabo kinsa nasuko matud pa tungod sa kawala’y nakuhang extortion money gikan sa tag-iya o nagdumala sa maong plantasyon.
