BUTUAN CITY – Dakong kalampusan alang sa mga nag-organisa sa anti-Asian hate crimes ang pagpirma na ni US President Joe Biden nga nagmando sa US Department of Justice aron tutukan sa prosecution ang mga bayolenteng kremin batuk sa mga Asian Americans ug mga Pacific Islanders apil na na ang COVID-19 related hate crimes.
Sa eksklusibong pakighinabi sa Bombo Radyo Butuan, gipadayag sa Cabadbaranong magtutudlo didto sa California, USA nga si Ferdinand Nakila nga hangtud karon, padayon gihapong natigayon ang mga anti-Asian hate crimes.
Gani bisan human og pirma ni Biden sa maong balaud, duna gihapo’y natigayong kagubot sa northern California.
Dako matud pa kini og tabang sa mga Asians ilabina nga gipunduhan kini og dako aron paspas ang mahimong dagan sa kaso sa mga malambigit sa maong kremin.
