BUTUAN CITY – Ang mga kalihukang gitambungan sa mga nagtapok nga tawo ang nakitang rason sa Department of Health kon DOH-Caraga sa paspas nga pagsaka sa mga kaso sa COVID-19 dinhi sa Caraga Region.
Kini ang gipadayag ni DOH-Caraga Assistant Regional Director Dr. Gerna Manatad human nga na-apil ang Caraga sa 10 ka mga rehiyon sa nasud nga gibantayan sa Department of Health tungod sa pagsaka sa mga kaso sa impeksyon.
Sa eksklusibong pakighinabi sa Bombo Radyo Butuan, gipadayag ni Dr. Manatad nga dili masayran sa mga tawong anaa sa panagtapok kung sila o kaha ang ilang mga nakahugoy-hugoy duna’y COVID-19 unya asymptomatic ug ang maong sitwasyon, klarong maka-trigger sa local transmission.
Angayan matud pang timan-an unta sa tanan nga anaa pa gihapon ang coronavirus sa tibuok kalibutan rason nga dili angayang mukumpyansa ug kanunay pa gihapong sundon ang minimum health protocols.
Alayon niini, nanawagan siya sa tanan nga adiser mutambong sa mga panagtapok, tan-awon una kung ang lugar duna ba’y igong bentilasyon kondiin maka-circulate og maayo ang hangin sa sulod ug gawas ug kung nakasunod ba sa gihatag nga capacity base sa quarantine status nga gipatuman sa ilang lugar.
