BUTUAN CITY– Sobra karun nga gikasubo sa katawhan sa Dinagat Islands human gikumpirma sa Congressional Office nga patay na ang lider sa Philippine Benevolent Missionaries Association, Inc. (PBMA) ug kanhi representative nga si Grand Master Ruben Ecleo Jr. kinsa namatay tungod sa liver cirrhosis.
Sa kasamtangan, wala pa hisayri kung asa ipahiluna ang patay’ng lawas sa giilang lider sa PBMA.
Una na nga gikumpirma ni National Bilibid Prison (NBP) nga tulo ka adlaw ug tulo ka gabii na nga na-admit si Ecleo sa Dr. Sabili General Hospital, Taguig City tungod sa sakit sa atay.
Madumdumang si Ecleo gidakop niadtong Hunyo 2020 sa probinsya sa Pampanga human gitudlo nga mipatay sa iyang kaugalingong asawa nga si Alona Bacolod-Ecleo niadtong Enero -5, 2002 sulod lamang sa mismong ilang balay sa Banawa, Brgy. Guadalupe, Cebu City.
