-- ADVERTISEMENT --
BUTUAN CITY – Nakatala na usab og tulo ka patay karong adlawa ang Caraga Region tungod sa COVID-19 samtang 68 ang mga bag-ong kaso, kondiin 67 ang padayon pang naka-isolate ug 129 ang bag-ong nakarekober.
Tungod niini, mi-abot na sa 9,648 ang cumulative COVID-19 cases, 998 ang padayon pang naka-isolate, 8,305 ang nakarekober ug 345 na ang kinatibuk-ang patay. Sa mga bag-ong kaso, pinakadaghan niini ang natala sa Butuan City nga mi-abot sa 23, Dinagat Islands -9; Agusan del Sur-8; pito sa Surigao del Sur, Surigao City-5; tag-upat sa Agusn del Norte ug Surigao del Norte; tag-tulo sa Cabadbaran City ug Tandag City, ug duha sa Bislig City.
