BUTUAN CITY – Wala na makagawas pang buhi gikan sa ilang nasunog nga panimalay kaganinang alas-6:30 sa buntag ang duha ka bata sa may Brgy. Bongtud, Tandag City, Surigao del Sur.
Gika-ingong naggakos pa ang mga bata dihang napalgan kini human napatay sa mga bombero ang kalayo.
Sa inisyal nga imbesitgasyon ni Bureau of Fire Protection kon BFP-Surigao del Sur Provincial ug acting City Fire Marshall Sr. Fire Insp. Kenneth Van De los Reyes, padayon pa nilang gisuta ang gigikanan sa kalayo nga milamoy usab sa kan-anan sa pamilyang nanag-iya sa maong panimalay.
Nasayrang kini na ang ika-upat nga sunog nga natigayon sa maong lalawigan kondiin ang tulo, nahitabo sa Bislig City taliwa sa mas gipahugtang kampanya subay sa paghandom karon sa Fire Prevention month.
