BUTUAN CITY – Patay nang napalgan ang usa ka amahan og duha niya ka mga anak human na-anod sa Simulao river sa Purok 6 , Unggod nga ilang giligu-an ning mi-aging hapon sa lungsod sa Trento, Agusan del Sur.
Sa eksklusibong pakighinabi sa Bombo Radyo Butuan, gi-ila ni Trento Municipal Mayor William Calvez, ang amahang si Macmac Borantes, 32-anyos.
Base sa asuy sa kapitan sa Brgy. Tudela, gisanong matud pa sa amahan ang hangyo sa iyang duha ka mga anak nga maligo sa suba rason nga iya kining gi-ubanan samtang naghawid kaniya.
Wala nabantayan sa amahan ang lawom nga parte sa suba rason nga na-out balance kini ug nakabuhi gikan kaniya ang mga bata apan wala niya kini maluwas pa tungod kay gi-anod na kini.
Posible matud pa nga nabikugan ang amahan rason nga nakapangayo pa kini og tabang sa iyang asawa kinsa wala na usab maka-apas sa pagka-anod nilang tulo hinungdan sa gilusad nga search and rescue operation.
