BUTUAN CITY – Wala na maka-abot pang buhi sa ospital ang usa ka lalaki human midasmag sa poste sa Agusan del Norte Electric Cooperative kon ANECO ang iyang gimanehuang motorsiklo kagabii sa crossing sa Brgy. San Vicente ug sa Montilla Boulevard ning siyudad.
Naila ang biktimang si Nestor Pugay Jr., 27-anyos ug residente sa Purok 17, Brgy. San Vicente ning siyudad sa Butuan.
Sigon sa usa sa mga nakaresponde sa maong hitabo nga si Romeo Awa, nakadungog lang siya sulod sa iyang balay nga duna’y mipaka ug sa iyang paggawas, nakita na lang niya nga nagbuy-od na ang biktima kinsa na-abtan pa niya og nagginhawa og panagsa hangtud nga gidala na sa ospital apan gideklarang dead-on-arrival sa attending physician.
Base sa iyang nasayran, duna matud pa’y kagukod ang biktima og posibleng na-overshoot ug tungod sa kakusog sa dalan wala na niini malikayi ang poste sa ANECO ng nasulod pa sa gipadak-ang kongkretong dalan hangtud nga nabangga sa poste.
Nasayrang kini ang hinungdan nga gipa-abot sa Bombo Radyo Butuan ngadto sa city government ang ingon niini ng mga poste kansa mugna sa wala pag-relocate sa taga-ANECO ug taga-DPWH-Caraga taliwa nga ilang obligasyon ang pagbalhin sa mga niini.
