BUTUAN CITY – Paslak na sa karsel ang usa ka miyembro sa Militia ng Bayan nga wanted sa kasong murder human na-aresto sa kapulisan ug ginsakpan sa 23rd Infantry Battalion, Philippine Army didto sa Sitio Calaitan, Barangay Manila de Bugabos ning syudad kagahapong adlawa.
Naila ang suspek nga si Harry Batli alyas Richard, 55 anyos, residente sa Lower Olave, Buenavista, Agusan del Norte kinsa nasikop pinaagi sa gahum sa warrant of arrest nga gi-isyu sa RTC Branch 2.
Sumala pa, ang nadakpan mao ang full-time trustee ni Jelan Pinakilid, ang Finance Officer sa Guerilla Front 4A sa NPA kinsa responsable sa pagsunog sa dredging equipment nga gipanag-iyahan sa Ark Green Dynamics Resource Corporation nga nahitabo sa Brgy. Lingayao, Las Nieves, Agusan del Norte niadtong Agusto 24, 2018.
Gitudlo usab kini sa mga witnesses nga maoy mipatay kang Rolando Timo Sr., sa Lingayao, Las Nieves niadtong Hulyo 15, 2020.
