BUTUAN CITY – Padayon pang gipangita sa mga rescuers ang mga tipaka sa nahugmak nga ospital human mi-igo ang magnitude 6.2 nga linog sa isla sa Sulwesi, nga mikalas na og dili mu-ubos sa 30 ka mga tawo ug mi-angol usab og daghan pang uban.
Madumdumang gitay-og usab og kusog nga linog ang Indonesia niadtong tuig 2018 nga miresulta sa tsunami ug mikalas og kapin sa 2-mil ka mga tawo.
Gika-ingong unom ka mga pasyente uban sa ilang mga pamilya ang natanggong sa Mitra Manakarra hospital sa lungsod sa Mamuju dihang kini nahugmak ug kini karon ang gipaningkamutang maluwas.
Nasubay ang epicenter sa linog sa gilay-ong 6-kilometros sa amihanang sidlakan sa Majene city na duna’y giladmong 10-kilometros kondiin gika-ingong upaat ka mga tawo ang nakalas samtang gatusan ang angol.
