BUTUAN CITY – Dili manggawas sa ilang panimalay sa Washington DC sila Pinay zumba instructor Susan Venlotero ug ang Amerikano niining banang si Bob karong gipatuman na ang curfew sa capital city sa Estados Unidos.
Sa eksklusibong pakighinabi sa Bombo Radyo Butuan ngadto sa magti-ayon, gipadayag sa bana ni Susan nga dil lang madawat sa mga Trump supporters nga pildiro kini sa eleksyon rason sa ilang pagpanglawgaw.
Mas milig-on sa ilang gihimo ang mga tawo tungod sa pamahayag ni Trump nga dili siya mu-concede sa rasong duna matud pa’y lapad nga pagpanglimbong sa eleksyon taliwa sa kawala niya’y mapresentang ebidensya. Wala matud pa’y laing tinguha si Trump kondili ang mapadayon ang iyang mga pulitikanhong kalihukan.
Gani wala pa’y klaro kung mutambong ba sa inagurasyon si Trump aron ipasa ang iyang posisyon ngadto kang Biden karong Enero 21, oras sa Pilipinas.
