BUTUAN CITY – Nadugangan na usab ang kaso sa covid-19 ang rehiyon sa Caraga. Kung kagahapon 33 ang bag-ong kaso nga gi-anunsiyo sa Department of Health kon DOH-Caraga, karung adlawa muabot usab sa 26 ka bag-ong kasonga 13 ang lalaki og 13 ang babaye og 54 porsiento ang anaa sa pangedarong 21 ngadto sa 40-anyos.
Kini gilangkban sa usa sa Buenavista, Agusan Del Norte; 3 sa Surigao Del Sur nga gikan sa Carrascal 2 og Cagwait 1; sa Tandag City 11; Butuan City 11.
Ang mga kaso sa dakbayan nagsumikad sa Baan km-3 nga dunay 2; Babag-2; Libertad-2 og tag-usa sa Barangay Bonbon, Doongan, Golden Ribbon, Lapu-lapu og Taguibo.
Sa mga bag-ong kaso 11 ang local transmission, 3 ang dunay contact sa confirmed cases, 2 ang health care workers, 1 ang dunay travel history sa lugar nga dunay kaso, 9 ang close contact sa kanhe positibo.
17 sa mga niini ang asymptomatic og 9 ang dunay mild symptoms diin 26 ang gi-kwarentina.
Sa pinaka-ulahing update, duna nay 1, 225 kinatibuk-ang kaso sa Covid-19 sa Caraga, 771 niini ang nakarekober na, 486 ang aktibong kaso og 38 ang patay. Sa nasangpit nga ihap, 516 ang local transmission, 298 ang Locally stranded Individuals kon LSIs, 63 ang Returning Overseas Filipinos kon ROFs, 187 ang Health Workers og 48 ang frontliners.
