BUTUAN CITY – Nadugangan na usab og 26 ka mga bag-ong kaso sa COVID-19 ang Caraga Region samtang usa ang patay ug ang tanan, pulos taga-dakbayan sa Butuan.
Sa virtual announcement nga gihimo sa Department of Health-Center for Health and Development kon DOH-CHD Caraga, gikabutyag nga sa maong ihap, tag-50 porsiento kon tag-13 ang mga lalaki ug babaye kodiin 61-porsiento ang anaa sa pangidarong 21 ngadto sa 50-anyos.
Ang mga bag-og kao, nabahin sa Brgy. Libertad nga duna’y upat, samtang tag-duha sa Brgy. Agusan Pequeño, Ambago, Doongan ug Rajah Sulayman ug tag-usa usab sa Brgy. Ampayon, Baan Km. 3, Baan Riverside, Datu Silongan, Fort Poyohon, Imadejas, Limaha, San Ignacio, San Vicente, Taligaman, Tandang Sora, Urduja ug Villa Kananga.
Sa 26 nga bag-ong kaso, 6 ang asymptomatic kon wala magpakita og simtomas, 13 ang duna’y mild symptoms ug duha ang severe kondiin 25 kanila ang padayong gi-quarantne, gi-monitor, ug gi-atiman og maayo samtang ang nahabiling usa, mao ang namatay nga usa ka 72-anyos nga lalaking hypertensive, duna’y diabetes, chronic kidney disease, duna’y hilanat ug ubo ug luya ang lawas.
Gidala siya sa ospital niadtong Septembre 10 diin siya gi-ICU apan namatay kagahapong adlawa.
