BUTUAN CITY – Alarming na ang COVID-19 local transmission cases sa Bislig City, Surigao del Sur tungod sa padayong pagsaka sa natala nilang kaso nga nadugangan na usab og usa kagahapon ug duha karon raspn nga misuma total na sa 44 ang kinatibuk-an nilang kaso.
Sigon ni Bislig City information officer Dr. Benjamin Chicano sa eksklusibong pakighinabi sa Bombo Radyo Butuan, sa ilang pakisusi, nagsugod ang pag-trace nila sa paspas nga kaso sa ilang siyudad dihang nasubay niadtong Septembre 1 ang pagkamatay sa usa ka meat vendor sa Mangagoy Public Public kinsa nasutang positibo sa coronavirus.
Human nakumpirma ang resulta sa swab test, gi-lockdown gilayon ni Mayor Florencio Garay ang meat section sa merkado dayong himo og disease surveillance pinaagi sa ilang mga health personnel gamit ang rapid test ug dinhi nasuta nga kapin sa katunga sa mga meat section occupants ang nagpositibo hinungdan nga gi-rapid test na usab ang anaa sa ubang section nga mi-abot sa 425 kondiin 241 niini ang nagpositibo sa coronavirus kansa bugti sa 56.7-porsiento hinungdan nga gipasira na ang entiro merkado.
Gani apil sa gi-lockdown ang mga lugar diin nagpuyo ang mga market occupants.
As of presstime, 24 kanila ang nagpositibo sa swab test rason nga mi-abot na sa 44 ang ilang kinatibuk-ang kaso ug gila-umang madugangan pa tungod kay gipa-abot pa nila ang resulta sa uban.
Tungod sa padayong pagsaka sa mga kaso sa COVID-19 sa ilang siyudad, padayon usab ang ilang pagpangita og mga establisamientong mamahimo nilang gamitong quarantine facility.
Ang dakong hagit nila karon tungod kay ang ilang mga mapili-ang gamitong facility, babagan man sa mga tawo tungod sa kahadlok nga basin sa ilang lugar hinuon matud pa managhan ang kaso sa coronavirus.
Tungod niini, mihangyo matud pa ang ilang mayor ngadto sa mga Bisliganons ilabina niadtong mga anaa sa high-risk areas nga gusto nang mu-uli sa ilang dapit nga dili una kini ihinayon.
