BUTUAN CITY – Padayon ang pagkumbati sa mga bombero sa California sa natigayong wildfires kansa sa pagkutlo niini ng balita, milamoy na sa 7,000-acres sa kalasangan ug kakahuyan og halos 3 ka buwan nang nagsiga.
Sa eksklusibong pakighinabi sa Bombo Radyo Butuan, gipadayag sa Butuanon nga si Marlon Buque kinsa atua na nagpuyo sa California sulod na sa pipila ka tuig, gibutyag niining tungod sa maong wildfires, itom na ang makita nila sa kawanangan tungod sa kabaga sa aso nga mutabon sa silaw sa adlaw.
Sa pagkakaron, halos 50-porsiento na sa lugar nga nasunugan ang napalong na ang kalayo tungod sa pagtabang na usab sa upat ka mga eroplanong duna’y susamang gidak-on sa Boeing 747 planes, ang nagkumbati pagpatay sa kalayo pinaagi sa ilang gipang-spray nga mga kemikal nga pangpatay sa kalayo.
Nasayrang ubay-ubay nga katawhan ang na-trap sa mga campers niining weekend nga mi-abo na usab sa dili mu-ubos duha ka dosena nang pinuy-anan sa gamay ng lungsod sa Big Creek.
Apil matud pa sa nangasunog ang mga ihalas nga mananap ug ang ilang gikabalak-an karon ang pag-abot sa ilang komunidad sa nanibat nga mga mananap sama sa halas.
