BUTUAN CITY – Padayon pang gipakisayran sa kapulisan pinaagi sa kabanay sa usa ka lalaki aron masayran ang hinungdan sa pagkutlo niini sa iyang kinabuhi.
Ang biktimang si Bennie Allawan, 17-anyos ug residente sa Brgy. Ong Yiu ning siyudad nakit-an na lang nga nagluhod na sa iyang kwarto kaganinang alas-dose sa tungang gabii apan karong buntag na namatikdang patay na kini.
Sa eksklusibong pakighinabi sa Bombo Radyo Butuan kang ni Zenaida Galino, apuhan sa biktima, nabantayan na niyang mipa-uli kagabii ang biktima nga naka-inom kinsa mao lama’y iyang gihulatan adiser natulog kondiin misulod gilayon kini sa kwarto.
Nasayran sa apuhan nga naghilak diay kini dihang mi-adto sa kumbira sa ilang silingan rason nga gipapa-uli kini.
Dugang pa sa apuhan, iya pang gi-agda ang biktimang manihapon dihang naka-uli na kini apan mibalibad kini sa rasong busog pa.
Kaganinang sayo na lang sa buntag nila nabantayan nga naghikog diay kini human unang gitu-uhang nag-ampo lang tungod kay nagluhod kini dihang una nilang nakit-an apan dihang wala pa mibarog paglabay sa pipila ka minutos, didto na nila kini gisusi ug nasutang naghikog diay kini gamit ang pisi nga maoy iyang gihikot sa li-og.
