BUTUAN CITY – Gihulat pa sa kadumalahan sa Butuan City Police Office ang ipagawas nga executive order ni Mayor Ronnie Vicente Lagnada alang sa mamahimong sunod nga klasipikasyon sa community quarantine ning siyudad.
Kini aron duna sila’y lig-ong basehan alang sa pagpatuman na sugod ning adlawa sa mandatory nga pagsuot og face shield.
Sa eksklusibong pakighinabi sa Bombo Radyo Butuan, gipadayag ni BCPO spokesman PLt. Abel Bulawan nga sa pagkakaron, makonsiderang trial pa lang ang pagpatuman sa pagsuot og face shield rason nga mahatagan pa og konsiderasyon ang mga tawong masapong misakay sa pampublikong sakyanang wala’y suot nga face shield.
Padayon pa usab niyang gi-review ang memorandum circular sa DOTr alang niini ng kamanduan aron mutatak kanila ang multang ipatuman alang niadtong masapon sa unang higayon nga wala’y suot nga face shield, ikaduha ug ikatulo.
